Читаем Евхаристия полностью

Евхаристия

«Сый Владыко, Господи (Иер. 1:6) [359] Боже Отче Вседержителю покланяемый! Достойно (2 Фесс. 1:3) яко воистинну, и праведно, и лепо великолепию святыни Твоея (Пс. 144:5 [360]), Тебе хвалити, Тебе пети, Тебе благословити, Тебе кланятися, Тебе благодарити, Тебе славити Единаго воистинну Сущаго Бога, и Тебе приносити сердцем сокрушенным и духом смирения (Дан. 3:39 [361]) словесную сию службу (Рим. 12:1 [362]) нашу: яко Ты еси даровавый нам познание Твоея истины (Евр. 10:26 [363]). И кто доволен возглаголати силы Твоя, слышаны сотворити вся хвалы Твоя (Пс. 105:2 [364]), или поведати вся чудеса Твоя (Пс. 25:7 [365]) во всяко время (Пс. 33:2 [366]); Владыко всех (Иов. 5:9 [367]), Господи небесе и земли (Мф. 11:25 [368]), и всея твари (3 Мак. 2:2 [369]), видимыя же и невидимыя, седяй на престоле славы и призираяй бездны (Дан. 3:54-59 [370]), безначальне, невидиме, непостижиме, неописанне, неизменне, Отче Господа нашего Иисуса Христа (2 Кор. 1:3 [371]), великаго Бога и Спасителя (Тит. 2:13 [372]), Упования нашего (l Тим. 1:1 [373]), Иже есть образ Твоея благости (Прем. 7:26 [374]): печать равнообразная, в Себе показуя Тя Отца (Ин. 14:8 [375]), Слово живое (Евр. 4:12 [376]), Бог истинный (1 Ин. 5:20 [377]), превечная Премудрость (1 Кор. 2:7 [378]), Живот (Ин. 14: 6 [379]), Освящение (1 Кор. 1:30 [380]), Сила (1 Кор. 1:24 [381]), Свет истинный (Ин. 1:9 [382]), Имже Дух Святый явися: Дух истины (Ин. 14:17 [383]), сыноположения (Рим. 8:15 [384]) дарование, обручение будущаго наследия (Еф. 1:14 [385]), начаток (Рим. 8:23 [386]) вечных благ, животворящая Сила, Источник освящения, от Негоже вся тварь словесная же и умная укрепляема Тебе служит и Тебе присносущное воссылает славословие, яко всяческая работна Тебе (Пс. 118:91 [387]): Тебе бо хвалят ангели (1 Пет. 3:22 [388]), архангели, Престоли, Господьствия, Начала, Власти (Кол. 1:16 [389]), Силы (1 Пет. 3:22) и многоочитии Херувими (Иез. 10:20 [390]): Тебе предстоят окрест Серафими, шесть крил единому, и шесть крил единому: и двема убо покрывают лица своя, двема же ноги, и двема летающе, взывают един ко другому (Ис. 6:2 [391]), непрестанными усты, немолчными славословеньми».

Перейти на страницу:

Похожие книги

Читаем Евхаристия полностью

Евхаристия

Похожие книги

Все жанры